കുഞ്ഞും കൊതുകും

കൊതുകേ.... കൊതുകേ.. കുത്തരുതേ..

കുഞ്ഞിനെയൊന്നും ചെയ്യരുതേ...

കഞ്ഞികുടിച്ചു മയങ്ങുന്നെന്‍ (ന്നുടെ)

പൊന്നിനെയൊന്നും ചെയ്യരുതേ...

പാറിപ്പാറി നടന്നോളൂ...

ഏറേ പാടി തന്നോളൂ..

ചെവിയില്‍ ചെന്നു പറഞ്ഞോളൂ..

ചെല്ലക്കുഞ്ഞേ.. ചാഞ്ചക്കം...

നാടുകള്‍ കവലകള്‍ ഓടക്കുഴിയില്‍

കാടു പിടിക്കും വീടിന്‍‍ വഴിയില്‍

മുട്ട വിരിഞ്ഞു പിറക്കും നീയെന്‍

കുട്ടനെയൊന്നും ചെയ്യരുതേ

രോഗം പലതും നീ നല്‍കും

ലോകം മുഴുവന്‍ അതു പകരും

അയ്യോ കുഞ്ഞികള്‍ കരയൂല്ലേ..

നീയോ ക്രൂരത വെടിയൂല്ലേ..

കൈയില്‍ കുത്ത്യാല്‍ ചൂടപ്പം

മെയ്യില്‍ തൊട്ടാല്‍ ഇടിയപ്പം

കൂട്ടിന്‍ മേനിയിലിങ്ങു കടന്നാല്‍

കട്ടായം നിന്‍ കഥ കഴിയും

പാരില്‍ പാപം വിതറുമ്പോള്‍

നേരും നെറിയും നീറുന്നൂ...

മാരകമാം നിന്‍ ജന്മത്തില്‍

ആരും നരകം തന്നീടും