അലങ്കാരവും അഹങ്കാരവും
ഇളയവന്: "അപ്പാ, അലങ്കാരവും അഹങ്കാരവും തമ്മിലെന്താ വ്യത്യാസം..???ഞാന്: "എടാ, അഹങ്കാരമെന്നാല് നമുക്കുള്ളതുവച്ചോ ഇല്ലാത്തതുണ്ടെന്നു നടിച്ചോ
മറ്റുള്ളവരുടെ മുന്നില് നാം കേമത്വം കളിക്കുന്നതും
അതിന്റെ പേരില് മറ്റുള്ളവരെ തഴഞ്ഞോ താഴ്ത്തുിയോ കുറ്റപ്പെടുത്തിയോ
കളിയാക്കിയോ കൊച്ചാക്കിയോ പരിഗണിക്കാതെയോ
സ്വയം പൊങ്ങി നടക്കുന്നതുമായ ഒരു അവസ്ഥ...
ഒറ്റവാക്കില് പറഞ്ഞാല് ഞാനെന്ന ഭാവം"..
"അലങ്കാരമെന്നാല്...
മോടി പിടിപ്പിക്കലാണ്.. സന്തോഷത്തിന്റ വികാരമാണിതിലധികവും
ആസനത്തില് ആല് കിളിര്ത്താല് അതും അലങ്കാരമായി കാണുന്നവര് എന്ന്
ഒരു കളിയാക്കല് പ്രയോഗമുണ്ട് നമുക്കിടയില് "
ഇളയവന്: "ഹോ...!!! എന്റെയപ്പാ..!!! അതൊന്നുമല്ല ;
അലങ്കാരമെന്നതു ദാരിദ്ര്യവും
അഹങ്കാരമെന്നതു ദൗര്ബ്ബല്യവുമാ"...
ഭാര്യ: "ദാരിദ്ര്യത്തിലും അലങ്കാരം ദൗര്ബ്ബല്യമായ
ഒരു 'അഹങ്കാരി'യാണല്ലോ
ഈ വീടിന്റെ........... ദാരിദ്ര്യം"!!!
No comments:
Post a Comment